འདི་ག་ལས་ཁུངས་ནས་སྤེལ་བའི་གནས་ཚུལ། སུའུ་ཏན་དྲག་ཆས་གདོང་ཐུག་ཕྱོགས་གཉིས་པོ་སྟེ། སུའུ་ཏན་དྲག་ཆས་དཔུང་སྡེ་དང་འཕྲལ་སྒྲུབ་རོགས་སྐྱོབ་དཔུང་སྡེས་སྤྱི་ཚེས་25ཉིན་རྒྱལ་ས་ཁི་ཐུ་མུ་གནས་སའི་ཁ་ཐུ་མུ་ཁུལ་གྱི་ས་ཆ་ཁ་ཤས་སུ་མུ་མཐུད་གདོང་ཐུག་དྲག་པོ་བྱུང་བ་དང་། ཕྱོགས་གཉིས་པོས་དམག་འཐབ་གནམ་གྲུ་དང་མེ་སྐྱོགས་སོགས་གོ་མཚོན་ཤུགས་ཆེ་གྲས་བེད་སྤྱོད་བྱས་ཡོད། དེའི་ནང་། ཨེན་ཐུ་མན་ནུབ་རྒྱུད་ས་ཁུལ་གྱི་གདོང་ཐུག་ནི་ཚབས་ཆེ་ཤོས་ཡིན་པ་རེད། སུའུ་ཏན་དྲག་ཆས་དཔུང་སྡེ་དང་འཕྲལ་སྒྲུབ་རོགས་སྐྱོབ་དཔུང་སྡེས་ཟླ་བ་འདིའི་སྤྱི་ཚེས་20ཉིན། གནས་སྐབས་དམག་མཚམས་བཞག་པའི་སྐོར་གྱི་གྲོས་ཆོད་ཅིག་ལ་མིང་རྟགས་བཀོད་པས་གྲོས་ཆོད་དེས་གནས་དེ་གའི་དུས་ཚོད་སྤྱི་ཚེས་22ཉིན་དངོས་སུ་ནུས་པ་ཐོན་རྒྱུ་ཡིན་པ་རེད། འོན་ཀྱང་སྤྱི་ཚེས་23ཉིན་གྱི་དགོང་མོ་ནས་བཟུང་། ཕྱོགས་གཉིས་པོའི་དབར་སླར་ཡང་གདོང་ཐུག་ཐོན་ཡོད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།