ཡོ་རབ་མནའ་འབྲེལ་གྱི་དཔྱིད་དུས་དབུ་ཚོགས་དེ་པེར་ཀྲེམ་གྱི་རྒྱལ་ས་པུ་ལུ་སེར་འཚོགས་པ།
འདི་ག་ལས་ཁུངས་ནས་སྤེལ་བའི་གནས་ཚུལ། དུས་ཡུན་ཉིན་གཉིས་རིང་གི་ཡོ་རབ་མནའ་འབྲེལ་གྱི་དཔྱིད་དུས་དབུ་ཚོགས་དེ་ས་གནས་དེ་གའི་དུས་ཚོད་སྤྱི་ཚེས་23ཉིན་ནས་བཟུང་པེར་ཀྲེམ་གྱི་རྒྱལ་ས་པུ་ལུ་སིར་འཚོགས་ཡོད།
ད་ཐེངས་ཀྱི་དབུ་ཚོགས་ཐོག་ཡོ་རབ་ཀྱི་འགྲན་རྩོད་གང་འདྲ་བྱས་ནས་སྔར་བས་ཤུགས་ཆེར་གཏོང་རྒྱུ་དང་སྦགས་མེད་བརྗེ་སྒྱུར་མགྱོགས་སུ་གཏོང་རྒྱུ་སོགས་ཀྱི་གྲོས་གཞིར་གཙོ་གནད་ཐོག་གྲོས་མོལ་བྱ་རྒྱུ་རེད། དེ་མིན། མཉམ་འབྲེལ་རྒྱལ་ཚོགས་ཀྱི་དྲུང་ཆེ་ཀུ་ཐེ་ལི་སེས་དེ་ཉིན་ཚོགས་འདུར་ཞུགས་མཁན་ཡོ་རབ་མནའ་འབྲེལ་རྒྱལ་ཁབ་ཁག་གི་འགོ་ཁྲིད་པ་དང་ལས་དོན་གྲོས་ཚོགས་འཚོགས་ཡོད། ཚོགས་འདུའི་ཐོག རྒྱ་མཚོ་ནག་པོའི་འབྲུ་རིགས་གྲོས་འགོ་དེས་གོ་ལ་ཧྲིལ་པོའི་འབྲུ་རིགས་བདེ་འཇགས་ལ་ཤུགས་སྣོན་རྒྱག་པའི་ཐད་ནུས་པ་གལ་ཆེན་ཐོན་པར་གྲོས་མོལ་བྱས་ཡོད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།