སོ་ཏི་ཨ་རབ་སྨྱན་སྦྱོར་གྱིས། སོ་ཏ་ཨ་རབ་ཕྱོགས་ནས་སི་རི་ཡའི་མངའ་ཁོངས་ནང་གཞུང་ཚབ་དོན་གཅོད་ཁང་གི་ཞབས་ཞུ་སླར་གསོ་བྱེད་པའི་བྱ་དོན་ཐད་སི་རི་ཡ་དང་གྲོས་མོལ་བྱེད་བཞིན་ཡོད་ཅེས་བསྟན་པ།
2023-03-25 11:21:00 责编：桑吉卓玛
འདི་ག་ལས་ཁུངས་ནས་སྤེལ་བའི་གནས་ཚུལ། ས་གནས་དེ་གའི་དུས་ཚོད་སྤྱི་ཚེས་23ཉིན་གྱི་དགོང་མོ། སོ་ཏི་ཨ་རབ་སྨྱན་སྦྱོར་གྱིས་རྒྱལ་ཁབ་དེའི་ཕྱི་འབྲེལ་པུའི་ཆ་འཕྲིན་མི་སྣའི་སྐད་ཆ་ལུང་དུ་དྲངས་ནས་གནས་ཚུལ་སྤེལ་བའི་ནང་། སོ་ཏི་ཨ་རབ་ཕྱོགས་ནས་སི་རི་ཡའི་མངའ་ཁོངས་ནང་གཞུང་ཚབ་དོན་གཅོད་ཁང་གི་ཞབས་ཞུ་མཁོ་འདོན་སླར་གསོ་བྱ་རྒྱུའི་འབྲེལ་ཡོད་བྱ་དོན་ཐད་སི་རི་ཡའི་ཕྱི་འབྲེལ་པུའུ་དང་གྲོས་མོལ་བྱེད་བཞིན་ཡོད་ཅེས་བསྟན་ཡོད། ཉིན་དེ་གའི་དུས་ཚོད་སྔ་ཙམ་ལ། སྨྱན་སྦྱོར་གྱིས་གནས་ཚུལ་སྤེལ་ནས་སོ་ཏི་ཨ་རབ་དང་སི་རི་ཡ་རྒྱལ་ཁབ་གཉིས་པོས་བསྐྱར་དུ་རྒྱལ་ཁབ་གཉིས་པོའི་དབར་གཞུང་ཚབ་ཁང་འཛུགས་རྒྱུའི་ཐད་གྲོས་མཐུན་བྱུང་ཡོད་ཅེས་བསྟན་ཡོད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
