འདི་ག་ལས་ཁུངས་ནས་སྤེལ་བའི་གནས་ཚུལ། ས་གནས་དེ་གའི་དུས་ཚོད་སྤྱི་ཚེས་༢༢ཉིན།ཨ་རིའི་རྒྱལ་ཕྲན་མཉམ་འབྲེལ་གྲབས་གསོག་ཨུ་ཡོན་ལྷན་ཁང་གིས་གཞི་རྩའི་སྐྱེད་ཀའི་ཚད་གཞི་དེ་གཞི་གནས་༢༥སྤར་ནས་བརྒྱ་ཆ་4.75ནས་5.00བར་མང་དུ་གཏོང་རྒྱུའི་ཁྱབ་བསྒྲགས་བྱས་ཡོད་པ་དང་།དེ་སྤྱི་ལོ་༢༠༠༧ལོའི་ཟླ་༡༠པ་ཚུན་གྱི་ཆུ་ཚོད་མཐོ་ཤོས་སུ་སླེབས་ཡོད།དེ་ཡང་ཨ་རིའི་རྒྱལ་ཕྲན་མཉམ་འབྲེལ་གྲབས་གསོག་ཨུ་ཡོན་ལྷན་ཁང་གིས་སྤྱི་ལོ་༢༠༢༢ལོའི་ཟླ་༣པའི་ཚུན་གྱི་སྐྱེད་ཀ་སྤར་ཐེངས་དགུ་པ་ཡིན་ཞིང་།རིམ་རྩིས་བྱས་ན་སྐྱེད་ཀ་སྤར་ཚད་ཀྱི་གཞི་གནས་༤༧༥བར་སླེབས་ཡོད། དེ་མིན། ཨ་རིའི་རྒྱལ་ཕྲན་མཉམ་འབྲེལ་གྲབས་གསོག་ཨུ་ཡོན་ལྷན་ཁང་གིས་འབྱུང་འགྱུར་ལོ་གཉིས་ཀྱི་ཨ་རིའི་རྒྱལ་ནང་ཐོན་སྐྱེད་སྤྱིའི་རིན་ཐང་གི་སྔོན་དཔག་དམའ་རུ་བཏང་བ་མ་ཟད་ཨ་རིའི་ད་ལོའི་དངུལ་ལོར་འགྲེམ་ཐལ་ཤོར་ཚད་ཀྱི་སྔོན་དཔག་མུ་མཐུད་མཐོ་རུ་བཏང་ཡོད་པ་རེད།