འདི་ག་ལས་ཁུངས་ནས་སྤེལ་བའི་གནས་ཚུལ། ཉེའུ་ཙི་ལན་དུ་བཅའ་སྡོད་ཀྲུང་གོའི་གཞུབ་ཚབ་ཆེན་མོ་ཁང་གིས་སྤྱི་ཚེས་༢༨ཉིན་གྱི་དགོང་མོ་ཉེའུ་ཙི་ལན་གྱི་རྒྱལ་ས་ཧུའེ་ལིང་ཏུན་རྒྱལ་ཁབ་རྟེན་རྫས་བཤམས་མཛོད་ཁང་དུ་ཀྲུང་གོ་དང་ཉེའུ་ཙི་ལན་བར་ཕྱི་འབྲེལ་འབྲེལ་བ་བཙུགས་ནས་ལོ་ངོ་༥༠འཁོར་བར་སྣེ་ལེན་ཞུ་བའི་ཚོགས་འདུ་དང་ཆེད་དོན་རོལ་དབྱངས་མཚན་ཚོགས་གཉེར་ཡོད་པ་རེད།དེའི་ནང་། ཉེའུ་ཙི་ལན་གྱི་ཕྱི་འབྲེལ་པུའུ་ཀྲང་མ་ཧུ་ཐ་དང་དེ་སྔའི་ཕྱི་འབྲེལ་པུའུ་ཀྲང་པུའུ་ལང་ལི་སོགས་སྲིད་འཛིན་མི་སྣ་དང་། ཉེའུ་ཙི་ལན་དུ་བཅའ་སྡོད་བྱས་པའི་ཕོ་ཉ་གསར་པ་དང་། ལས་རིགས་ཁག་གི་མཛའ་གྲོགས་མི་སྣ་དེ་བཞིན་ཕྱི་ཁོངས་ཀྲུང་གོ་བ་དང་ཕྱིར་སྡོད་སྤུན་ཟླ་བཅས་མི་༣༠༠ལྷག་ཙམ་བྱེད་སྒོའི་ནང་ཞུགས་ཡོད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།