ཁ་ན་ཏའི་སྤྱི་འདོམས་ཕ་ཡེ་ཐེས་ལས་གནས་ལས་དགོངས་ཞུ་བྱ་རྒྱུ་ཁྱབ་བསྒྲགས་བྱས་པ།
འདི་ག་ལས་ཁུངས་ནས་སྤེལ་བའི་གནས་ཚུལ། ཁ་ན་ཏའི་རླུང་འཕྲིན་ཀུང་སིས་ས་གནས་དེ་གའི་དུས་ཚོད་ཚེས་21ཉིན་གནས་ཚུལ་སྤེལ་བར་གཞིགས་ན། ཁ་ན་ཏའི་སྤྱི་འདོམས་ཕ་ཡེ་ཐེས་ལས་གནས་ལས་དགོངས་ཞུ་བྱ་རྒྱུ་ཁྱབ་བསྒྲགས་བྱས་པ་དང་། སྤྱི་འདོམས་ཀྱི་དྲུང་ཡིག་ཀྱང་དུས་མཉམ་དུ་ལས་གནས་དགོངས་ཞུ་བྱས་ཡོད། ཉིན་དེའི་སྔ་ཙམ་ཞིག་ལ། རང་ཚུགས་བརྟག་དཔྱད་ཀུང་སིས་ཁ་ན་ཏའི་ སྤྱི་འདོམས་ལས་ཤག་གི་ལས་ཀའི་ཁོར་ཡུག་ངན་པར་རང་ཚུགས་བརྟག་དཔྱད་བྱེད་མཇུག་སྒྲིལ་ཡོད། གནས་ཚུལ་ཤེས་མཁན་མི་སྣས་ཟུར་གསལ་བྱས་པར་གཞིགས་ན། བརྟག་དཔྱད་མཇུག་འབྲས་མི་རྣམས་ཧང་སངས་དགོས་པ་ཞིག་ཡོད། 2020ལོའི་ཟླ་བ་7པར། དེ་སྔ་ སྤྱི་འདོམས་ལས་ཤག་ཏུ་ལས་ཀ་བྱེད་མྱོང་མཁན་དང་ད་ལྟ་དེ་གར་ལས་དོན་སྒྲུབ་བཞིན་ཡོད་པའི་མི་སྣས་སྨྱན་སྦྱོར་ལས་ཁུངས་ལ་གནས་ཚུལ་ཐེར་འདོན་བྱས་པར་གཞིགས་ན། སྤྱི་འདོམས་ལས་ཤག་གི་ལས་ཀའི་ཁོར་ཡུག་ཤིན་ཏུ་ངན་པ་དང་། སྤྱི་འདོམས་དང་སྤྱི་འདོམས་གྱི་དྲུག་ཡིག་ཚུད་པའི་དཔོན་རིགས་ཀྱིས་རྟག་ཏུ་དེ་གའི་ལས་དོན་མི་སྣར་མཐོང་ཆུང་དང་དམའ་འབེབས་གང་བྱུང་བྱེད་ཀྱི་ཡོད་པ་རེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
ཡིག་སྒྱུར། ཟླ་བ་གཡུ་སྒྲོན།