ཐེ་རོན་ཕུའུ་ཡིས་དབྱི་རན་གྱི་རྡོ་སྣུམ་སྒྲིག་ཆས་རྩ་གཏོར་གཏོང་རྒྱུའི་འཇིགས་སྣང་བསྐུལ་བས་རྒྱལ་སྤྱིའི་སྣུམ་རིན་འཕར་མི་ཡོང་ངམ་སྙམ་པའི་སེམས་ཁྲལ་བཟོས་འདུག
2026-03-31 17:24:00 责编：卓玛才让
ས་གནས་དེ་གའི་ཟླ་3ཚེས་30ཉིན། དབྱི་རན་གྲོས་ཚོགས་ཁང་གིས་ཁྲིམས་གཞི་ཞིག་ལ་གྲོས་མཐུན་བཞག་ནས། ཧོར་མོ་ཚི་འགག་སྒོ་བརྒྱུད་ནས་འགྲོ་མཁན་གྲུ་གཟིངས་ལ་གླ་རིན་བསྡུ་རྒྱུ་མ་ཟད་ཨ་རི་དང་དབྱི་སི་རལ་གྱི་གྲུ་གཟིངས་གཏོང་རྩིས་མེད་པའི་སྐོར་བརྗོད་འདུག དོན་དེར་ཨ་རིས་ལན་ཆ་དྲག་པོ་བྱས་པ་དང་། ཐེ་རོན་ཕུའུ་ཡིས་དབྱི་རན་གྱི་རྡོ་སྣུམ་སྒྲིག་ཆས་རྩ་གཏོར་གཏོང་རྒྱུ་ཡིན་ཞེས་བརྗོད་པ་དང་། ཨ་རིའི་ཕོ་བྲང་དཀར་པོས་ཀྱང་དབྱི་རན་གྱིས་ཟླ་བ་4ཚེས་6ཉིན་གྱི་གོང་དུ་གྲོས་མཐུན་འཇོག་དགོས་པ་དང་། གལ་ཏེ་དེ་ལས་ལྡོག་ན་མཇུག་འབྲས་ཚབས་ཆེན་ཐོན་རྒྱུ་རེད་ཅེས་བརྗོད་འདུག དབྱི་སི་རལ་དམག་གིས། དབྱི་རན་ལ་དམག་དོན་རྡུང་རྡེག་གཏོང་འཇུག་སྒྲིལ་བའི་དུས་ལ་སླེབས་པ་དང་། དེ་རྗེས་དབྱི་རན་གྱི་དཔལ་འབྱོར་དམིགས་འབེན་ལ་རྡུང་རྡེག་གཏོང་རྒྱུ་ཡིན་ཞེས་ཁྱབ་བསྒྲགས་བྱས་ཡོད། དབྱི་རན་གྱིས་ཨ་རིའི་བར་ཐད་ཀའི་སྐད་ཆ་ཤོད་རེས་བྱས་མེད་པ་དང་། དབྱེན་འབྱེད་གྲོས་མོལ་གྱི་མདུན་ལྗོངས་གསལ་པོ་མེད་ཚུལ་བསྐྱར་བཤད་བྱས་འདུག དུས་བབ་གློ་བུར་དུ་ཛ་དྲག་པོ་ཆགས་པའི་དབང་གིས། ཁྲོམ་རས་གོ་ལ་ཧྲིལ་པོའི་ནུས་རྒྱུའི་འདྲེན་ལམ་ལ་འགོག་རྐྱེན་ཕོག་ནས་རྒྱལ་སྤྱིའི་སྣུམ་རིན་ཤུགས་ཆེན་འཕར་མི་ཡོང་ངམ་སྙམ་པའི་སེམས་ཁྲལ་བྱེད་ཀྱི་ཡོད་པ་རེད།
