འདི་ག་ལས་ཁུངས་ནས་སྤེལ་བའི་གནས་ཚུལ། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་ཧུའུ་ཉིང་གིས་སྤྱི་ཚེས་26ཉིན་པེ་ཅིང་དུ་སིང་ཀ་ཕོར་གྱི་རྒྱལ་དོན་བློ་འདྲི་ལི་ཞན་ལུང་དང་མཇལ་འཛོམས་གནང་ཡོད།

ཝང་ཧུའུ་ཉིང་གིས་2023ལོར་ཀྲུའུ་ཞི་ཞི་ཅིན་ཕིང་གིས་ཁྱེད་དང་མཉམ་དུ་ཀྲུང་སིང་འབྲེལ་བ་དེ་ཕྱོགས་ཡོངས་དང་སྤུས་ཚད་མཐོ་བའི་རྒྱང་ལྟའི་རང་བཞིན་གྱི་རོགས་ཟླའི་འབྲེལ་བར་རིམ་སྤོར་བྱ་རྒྱུ་ཁྱབ་བསྒྲགས་གནང་ནས་ཕྱོགས་གཉིས་པོའི་འབྲེལ་བ་འཕེལ་རྒྱས་འགྲོ་རྒྱུར་ཡངས་ཤིང་རྒྱ་ཆེ་བའི་མདུན་ལམ་བཏོད་ཡོད། ཀྲུང་གོའི་ཕྱོགས་ནས་སིང་ཀ་ཕོར་ཕྱོགས་དང་མཐོ་རིམ་འགྲོ་འོང་དམ་ཟབ་རྒྱུན་འཁྱོངས་དང་། ཁྱབ་ཁོངས་ཁག་གི་དངོས་གཉེར་མཉམ་ལས་ལ་ཤུགས་སྣོན། མི་དམངས་ཀྱི་མཛའ་བརྩེ་ཟབ་ཏུ་གཏོང་བ། ཀྲུང་གོ་དང་སིང་ཀ་ཕོར་བརགྱི་འབྲེལ་བར་འཕེལ་རྒྱས་གསར་པ་ཡོང་བར་སྐུལ་འདེད་གཏོང་བ་བཅས་བྱས་ཏེ་ས་ཁུལ་ཞི་བདེ་བརྟན་ལྷིང་དང་འཕེལ་རྒྱས་ཡོང་བར་དགེ་མཚན་ལྡན་པའི་སྟོབས་ཤུགས་ལེགས་སྐྱེས་སུ་འབུལ་འདོད་ཡོད། ཀྲུང་གོའི་རྒྱལ་ཡོངས་སྲིད་གྲོས་ཀྱིས་དེའི་ཆེད་དུ་དགེ་མཚན་ལྡན་པའི་བྱས་རྗེས་འཇོག་འདོད་ཡོད་ཅེས་བསྟན་ཡོད།

ལི་ཞན་ལུང་གིས་སིང་ཀ་ཕོར་དང་ཀྲུང་གོའི་འབྲེལ་བའི་འཕེལ་ཚུལ་ཡག་པོ་ཡོད་པ་དང་། སང་ལོར་རྒྱལ་ཁབ་གཉིས་བརཕྱི་འབྲེལ་བཙུགས་ནས་ལོ་35འཁོར་བ་རེད། སིང་ཀ་ཕོར་ཕྱོགས་ཀྱིས་ཀྲུང་གོ་གཅིག་གི་སྲིད་ཇུས་མཐའ་འཁྱོངས་བྱས་ཏེ་ཀྲུང་གོ་ཕྱོགས་དང་འཐབ་ཇུས་འབྲེལ་གཏུག་ལ་ཤུགས་སྣོན་དང་མཉམ་ལས་ཀྱི་ཆུ་ཚད་དང་ཕན་འབྲས་རྒྱུན་མཐུད་ངང་ཆེ་རུ་བཏང་ནས་རྒྱལ་ཁབ་གཉིས་པོའི་འབྲེལ་བ་སྐས་རིམ་གསར་པ་ཞིག་ཏུ་བསླེབ་རྒྱུར་སྐུལ་འདེད་གཏོང་འདོད་ཡོད་ཅེས་བསྟན་ཡོད།

 ཧུའུ་ཁྲུན་ཧྭ་དང་ཝང་ཏུང་ཧྥུང་སོགས་མཇལ་འཛོམས་ནང་ཞུགས་ཡོད།