ཀྲུང་གོ་དང་ཕྱི་རྒྱལ་གྱི་སྐུ་མགྲོན་གྱིས། ཁུང་ཙེའི་བསམ་བློ་ཚུད་པའི་རྒྱལ་ཁབ་ཁག་གི་བསམ་བློ་པའི་རྩ་ཆེའི་ཤུལ་བཞག་རྣམས་ང་ཚོས་ཐུན་མོང་ཐོག་སྲུང་སྐྱོང་བྱེད་དགོས། རླབས་ཆེན་སྔོན་བྱོན་པའི་བསམ་བློའི་ཁྲོད་ནས་ཉིང་བཅུད་བླངས་ཏེ། དེ་ལས་ཡུན་རིང་གི་ཡིད་དབང་འཕྲོག་ཤུགས་དང་དུས་རབས་ཀྱི་གཟི་མདངས་མངོན་ཐུབ་པ་བྱེད་དགོས། གྲངས་འཛིན་ཅན་གྱི་འཕེལ་རྒྱས་དུས་རབས་ཀྱི་གོ་སྐབས་སྟངས་འཛིན་བྱས་ནས་རིག་གནས་ཀྱི་འོད་ཟེར་མི་དེ་བས་མང་བའི་སེམས་ནང་འཕྲོ་ཐུབ་པ་བྱེད་དགོས། ཤེས་དཔལ་སྤེལ་རེས་དང་དཔྱད་གཞིར་འཛིན་རེས་ཟབ་ཏུ་བཏང་ནས། རྩོམ་རིག་སྒྱུ་རྩལ་དང་རིག་གནས་ཤུལ་བཞག སྤྱི་པའི་རིག་གནས་ཞབས་ཞུ་སོགས་ཀྱི་ཁྱབ་ཁོངས་སུ་རྒྱལ་སྤྱིའི་མཉམ་ལས་ལ་ཤུགས་སྣོན་བརྒྱབ་སྟེ། འཛམ་གླིང་གི་ཤེས་དཔལ་མེ་ཏོག་ལྡུམ་ར་སྔར་བས་མཚར་སྡུག་ལྡན་པར་འགྱུར་བ་བྱེད་དགོས་ཞེས་གསུངས་ཡོད།