འདི་ག་ལས་ཁུངས་ནས་སྤེལ་བའི་གནས་ཚུལ། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་གིས་ཚེས་25ཉིན་ཀྲུང་གོ་དང་ཕྱི་རྒྱལ་གྱི་གསར་འགོད་པའི་ངོ་འཕྲད་ཚོགས་འདུ་འཚོགས་ནས། སྤྱི་བདེ་ཁོངས་གཏོགས་ཀྱི་དཔའ་བོ་དཔེ་བཟང་དང་བྱས་རྗེས་བཞག་པའི་མཉམ་སྡེབ་ཀྱི་འཐུས་མི་5ཡིས“བློ་དཀར་སེམས་དཀར་གྱི་ཉེན་རྟོག་པའི་བླ་སྲོག་བརྟན་པོ་བཏོད་ནས། དམངས་ལ་ཞབས་འདེགས་ཞུ་བའི་དམིགས་འབེན་སྒྲུབ་དགོས”ཞེས་པར་དམིགས་ནས་ཀྲུང་གོ་དང་ཕྱི་རྒྱལ་གྱི་གསར་འགོད་པ་དང་ཐུག་འཕྲད་སྤེལ་རེས་བྱས་པ་རེད།

ངོ་འཕྲད་ཚོགས་འདུའི་ཐོག སྤྱི་བདེའི་དཔའ་བོ་དཔེ་བཟང་དང་བྱས་རྗེས་བཞག་པའི་མཉམ་སྡེབ་ཀྱི་འཐུས་མི་5ཡིས་བསམ་བློ་དང་ལས་ཀའི་དོན་དངོས་ཟུང་འབྲེལ་བྱས་ནས་ལོ་གཅིག་རིང་གི་ལས་ཀ་དང་མྱོང་ཚོར་སྤེལ་རེས་མཉམ་སྤྱོད་བྱས་པ་རེད།

ན་ནིང་ཡུན་ནན་ཞིང་ཆེན་ཁུན་མིང་གྲོང་ཁྱེར་སྤྱི་བདེ་ཅུས་བདེ་འཇགས་དོ་དམ་ཉིང་ལག་རུ་ཁག་གི་རུ་དཔོན་གཞོན་པ་ཧོ་ལི་ཡོན་ལ“རྒྱལ་ཡོངས་ཀྱི་དམིགས་བསལ་རིམ་པའི་ཕུལ་བྱུང་མི་དམངས་ཉེན་རྟོག་པའི”མཚན་སྙན་ཐོབ་པ་དང་། ཧོ་ལི་ཡོན་གྱིས་འབར་གས་དངོས་པོ་གཙང་སེལ་གྱི་ཉེན་རྟོག་པ་ཞིག་ཡིན་པའི་ངོས་ནས་མི་དམངས་གོང་དུ་བཀུར་བའི་ཆོད་སེམས་བརྟན་པོ་བཙུགས་ཚེ། གཞི་ནས་འགན་འཁྲི་ཆུད་ཟོས་སུ་གཏོང་མི་སྲིད་པ་དང་མངགས་བཅོལ་ཟབ་མོ་ཆུད་ཟོས་སུ་གཏོང་མི་སྲིད་ཅེས་གསུངས་པ་རེད།

ངོ་འཕྲད་ཚོགས་འདུའི་ཐོག པེ་ཅིང་གྲོང་ཁྱེར་སྤྱི་བདེ་ཅུས་ཧྥང་ཧྲན་ཡན་ལག་ཅུས་འཇིགས་སྐུལ་ལ་ངོ་རྒོལ་དང་དམིགས་བསལ་སྐོར་གཡེང་ཉེན་རྟོག་ཉིང་ལག་རུ་ཁག་གི་ཆབ་སྲིད་ཨུ་ཡོན་ཀྲང་ཁུའུ་དང་། ཧྥུའུ་ཅན་ཞིང་ཆེན་ཞ་མོན་གྲོང་ཁྱེར་སྤྱི་བདེ་ཅུས་སི་མིང་ཡན་ལག་ཅུས་ལེན་ཆན་མངགས་གཏོང་ཁང་གི་སུའོ་ཀྲང་ཧན་ཅང་ཧའེ། ཧུའུ་པེ་ཞིང་ཆེན་ཀོང་ཧྲུའེ་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་རུ་ཆེན་ཝུའུ་ཧྲེང་ཀོན་རུ་འབྲིང་གི་རུ་དཔོན་ཧོང་ཡོན་པོ་བཅས་ཀྱིས་ཀྱང་ཀྲུང་གོ་དང་ཕྱི་རྒྱལ་གྱི་གསར་འགོད་པ་དང་སྤེལ་རེས་མཉམ་སྤྱོད་གནང་བ་རེད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།