འདི་ག་ལས་ཁུངས་ནས་སྤེལ་བའི་གནས་ཚུལ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱེད་པའི་བརྗོད་གཙོའི་སློབ་གསོ་སྤེལ་ཚུན། ཀྲུང་དབྱང་གིས་བརྗོད་གཙོའི་སློབ་གསོ་སྤེལ་ཡུལ་ལས་ཁུངས་ཁག་དང་པོར་མཛུབ་ཁྲིད་ཚོ་ཆུང་༥༨མངགས་ནས་སྐུལ་འདེད་དང་མཛུབ་ཁྲིད་བྱས་ཡོད། ཟླ་བ་གཅིག་གི་ནང་ཚུན་དུ། ཀྲུང་དབྱང་མཛུབ་ཁྲིད་ཚོ་ཆུང་དགུ་པ་ཧོ་ནན་དང་། ཧྲན་ཏུང་ཞིང་ཆེན་གཉིས་སུ་བསྐྱོད་ནས་ཞིང་ཆེན་གཉིས་པོས་བརྗོད་གཙོའི་སློབ་གསོའི་ནང་གི་དགོངས་དོན་སློབ་སྦྱོང་དང་། ཏང་གཤིས་ཤུགས་ཆེར་གཏོང་བ། ལག་བསྟར་ལ་མཐོང་ཆེན་བྱེད་པ། བྱས་རྗེས་གསར་པ་འཇོག་པ་བཅས་ཀྱི་སྤྱིའི་བླང་བྱ་ཁོང་དུ་དམ་པོར་ཆུད་རྒྱུ་ལྟ་སྐུལ་དང་མཛུབ་ཁྲིད་བྱས་ནས། ཟམ་མི་ཆད་པར་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པ་དེ་གཏིང་ཟབ་ཕྱོགས་སུ་སྤེལ་བཞིན་ཡོད་པ་རེད།

བརྗོད་གཙོའི་སློབ་གསོ་སྤེལ་ཚུན། ཀྲུང་དབྱང་མཛུབ་ཁྲིད་ཚོ་ཆུང་དགུ་པས་ཧོ་ནན་དང་ཧྲན་ཏུང་ཞིང་ཆེན་ལ་སྐོར་སྐྱོད་མཛུབ་ཁྲིད་དང་། གཤམ་སྐྱོད་འཚམས་འདྲི། བཞུགས་མོལ་དང་བཅར་འདྲི་བགྲོ་གླེང་སོགས་ཀྱི་རྣམ་པ་བརྒྱུད། སྡེ་ཚན་ཁག་དང་ལས་ཁུངས་ཁག་གི་བརྗོད་གཙོའི་སློབ་གསོ་སྤེལ་བའི་གནས་ཚུལ་མཁྱེན་རྟོགས་གནང་བ་མ་ཟད། སྡེ་ཚན་དང་ལས་ཁུངས་ཀྱི་དོན་དངོས་དང་ཟུང་སྦྲེལ་བྱས་ནས་མཛུབ་ཁྲིད་ལྟ་སྐུལ་གྱི་ལས་དོན་སྤེལ་བ། ལྟ་སྐུལ་དང་མཛུབ་ཁྲིད་ཏན་ཏིག་བྱེད་པ། མཛུབ་ཁྲིད་བྱེད་པའི་ཐོག་ནས་ལྟ་སྐུལ་ལ་སྐུལ་ཁྲིད་བྱས་ཡོད།

མིག་སྔའི་བར་སླེབས་དུས། མཛུབ་ཁྲིད་ཚོ་ཆུང་དགུ་པས་ཧོ་ནན་དང་། ཧྲན་ཏུང་ཞིང་ཆེན་གཉིས་ཀྱི་བརྗོད་གཙོའི་སློབ་གསོའི་ལས་ཀའི་ཇུས་གཞིར་གཟིགས་ཞིབ་གནང་བ་མ་ཟད། བསམ་འཆར་དང་གྲོས་འགོ་བཏོན་གནང་ཡོད། དེས་མ་ཟད་ཞིང་ཆེན་གཉིས་ཀྱི་བརྗོད་གཙོའི་སློབ་གསོའི་སྐུལ་སློང་ཚོགས་ཆེན་དང་། དཔེ་ཀློག་འཛིན་གྲྭ། ཆེད་དོན་ཏང་གི་སློབ་ཚན་བཅས་ལ་ཞུགས་ཡོད་པ་དང་ཆབས་ཅིག་གང་འདྲ་བྱས་ནས་བརྗོད་གཙོའི་སློབ་གསོ་དེ་ཉིད་གཏིང་ཟབ་ཕྱོགས་སུ་སྤེལ་བ་དང་དོན་ཐོག་ཏུ་འཁྱོལ་རྒྱུར་སྐུལ་འདེད་བཏང་བའི་ཐད་དམིགས་བཙུགས་རང་བཞིན་གྱི་མཛུབ་ཁྲིད་བསམ་འཆར་བཏོན་ཡོད།