ཉེ་ཆར། རླུང་འཕྲིན་གློག་བརྙན་བརྙན་འཕྲིན་སྤྱི་ཁྱབ་ཅུས་ཀྱིས། ཁྲིམས་ཆད་འཁུར་ཡུན་ཐིམ་ནས་གློད་འགྲོལ་བྱུང་བའི་མི་ཁག་ཅིག་གིས་བརྙན་ཐུང་དང་ཐད་གཏོང་བརྒྱུད་བཞུར་ཚད་（流量）རག་ཐབས་བྱས་པ་སོགས་སྒྲིག་འགལ་གྱི་གནད་དོན་ལ་དམིགས་ཏེ། ཁྱོན་ཡོངས་ནས་གྲལ་བཤེར་བྱས་ཤིང་། སྤྱི་ཟླ་1ཚེས་21ཉིན་གྱི་དགོང་མོའི་བར། ཁྱོན་སྒྲིག་འགལ་གྱི་ཨང་ཐོ（账号）222 གྲལ་བཤེར་དང་། སྒྲིག་འགལ་གྱི་ནང་དོན་3345 ཐག་གཅོད་བྱས་ཐོག འབྲེལ་ཡོད་བརྗོད་གཞི་207གཙང་བཤེར་བྱས་པ་སྟེ། དེ་དག་གཙོ་བོ་ཁྲིམས་ཆད་འཁུར་བའི་ཉམས་མྱོང་ངོམས་སྟོན་དང་། ཁྲིམས་ཆད་འཁུར་བའི་འཚོ་བ་མཛེས་བརྗོད་བྱས་པ། རྒྱལ་ཁབ་ཀྱི་ཁྲིམས་འཛིན་དྲང་གཞག་ལ་དོགས་འདྲི་བྱས་པ།“ ཁྲིམས་ཆད་འཁུར་བ”བརྗོད་གཞིར་བྱས་ནས་དགོད་བྲོ་བའི་བརྙན་ཐུང་གསར་རྩོམ་བྱས་པ་དང་། “བཙོན་གྲོལ་ཐོབ་པའི་མི”ཡི་མིང་ངམ་ཡང་ན་ཐོབ་ཐང་ཐོག་ནས་དངོས་པོ་འཚོང་བ་སོགས་ཀྱི་སྒྲིག་འགལ་གནད་དོན་དང་འབྲེལ་བ་ཡོད་པ་ཤ་སྟག་ཡིན་པ་རེད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
ཞུ་དག བསྟན་འཛིན་དབང་ཕྱུག
ཡིག་སྒྱུར། བྱམས་མཚོ།