ཨུ་རུ་སུས་ཡུག་རེན་དམག་དང་དེའི་སྒྲིག་ཆས་ལ་གཏོར་ཕམ་བཏང་ཡོད་ཅེས་བསྟན་པ་དང་། ཡུག་རེན་གྱིས་ཨུ་རུ་སུའི་དམག་གིས་འཇབ་རྒོལ་མཐར་སྐྲོད་བཏང་ཡོད་ཅེས་བསྟན་འདུག
འདི་ག་ལས་ཁུངས་ནས་སྤེལ་བའི་གནས་ཚུལ། ས་གནས་དེ་གའི་དུས་ཚོད་སྤྱི་ཟླ་1པོའི་ཚེས་19ཉིན། ཨུ་རུ་སུའི་རྒྱལ་སྲུང་པུའུ་ནས་དམག་འཐབ་ཀྱི་གནས་ཚུལ་སྤྱི་བསྒྲགས་བྱས་པར་གཞིགས་ན། ཨུ་རུ་སུའི་དམག་གིས་ཁུ་བི་ཡང་སི་ཁེའི་ཕྱོགས་སུ་ཡུག་རེན་དམག་མི་30ལྷག་དང་། འཁྲབ་ལྡན་འཁོར་ལོ་1དང་དམག་སྤྱོད་རླངས་འཁོར་2 སྒྱོགས་མདེལ་2བཅས་རྩ་མེད་བཏང་ཡོད། ཧུང་ལི་མན་ཕྱོགས་སུ་ཡུག་རེན་དམག་མི་60ལྷག་དང་འཁྲབ་ལྡན་འཁོར་ལོ་1དང་། མོ་ཊ་ཕི་ཁྭ་3 སྒྱོགས་མདེལ་1བཅས་རྩ་མེད་བཏང་ཡོད། ཏུན་ཉེ་ཚེ་ཁེའི་ཕྱོགས་སུ་ཨུ་རུ་སུའི་དམག་གིས་ཡུག་རེན་དམག་མི་80ལྷག་དང་། འཁྲབ་ལྡན་འཁོར་ལོ་2 དམག་སྤྱོད་རླངས་འཁོར་4 སྒྱོགས་མདེལ་3དང་དེ་མིན་སྒྱོགས་མདེལ་མ་ལག་མང་པོ་རྩ་མེད་བཏང་ཡོད། ལྷོ་ཏུན་ཉེ་ཚེ་ཁེའི་ཕྱོགས་སུ་ཨུ་རུ་སུའི་དམག་གིས་ཡུག་རེན་དམག་མི་30ལྷག་དང་འཁྲབ་ལྡན་འཁོར་ལོ་2 མོ་ཊ་ཕི་ཁྭ་3བཅས་རྩ་མེད་བཏང་ཡོད།
ཨུ་རུ་སུའི་མཁའ་དམག་གི་འཐབ་འཛིང་གནམ་གྲུས་ཡུག་རེན་དམག་གི་དམག་འཐབ་གནམ་གྲུ་སུའུ་25རྟགས་ཅན་ཞིག་གཏོར་ལྷུངས་བཏང་བ་དང་། ཨུ་རུ་སུའི་མཁའ་ཟོན་དཔུང་སྡེས་ཡུག་རེན་གྱི་མི་མེད་གནམ་གྲུ་5བཅས་གཏོར་ལྷུངས་བཏང་ཡོད།
ཡུག་རེན་དྲག་ཆས་དཔུང་སྡེའི་སྤྱི་ཁྱབ་དྲག་ཇུས་པུས་སྤྱི་ཚེས་19ཉིན་གྱི་སྔ་དྲོ་གནས་ཚུལ་སྤེལ་བར་གཞིགས་ན། ཡུག་རེན་དྲག་ཆས་དཔུང་སྡེས་ཨུ་རུ་སུའི་དམག་གི་ཏུན་ཉེ་ཚེ་ཁེ་དང་ལུ་ཀན་སེ་ཁེའི་གཏན་སྡོད་ཁུལ་14ཉེ་འགྲམ་བར་མཐའ་སྐྲོད་བཏང་ཡོད་ཅེས་བསྟན་འདུག