ཨེ་ཅིབ་ཏུ་མེ་འཁོར་ལྕགས་ལམ་ཁ་བྲལ་བའི་ལས་འཛོལ་ཐོན་ནས་ཉུང་མཐར་ཡང་མི་11གྲོངས་པ།
འདི་ག་ལས་ཁུངས་ནས་སྤེལ་བའི་གནས་ཚུལ། འགྲུལ་སྐྱེལ་མེ་འཁོར་ཞིག་སྤྱི་ཚེས་18ཉིན་ཨེ་ཅིབ་ཀྱི་རྒྱལ་ས་ཁེ་རོ་ནས་བྱང་རྒྱུད་གྲོང་ཁྱེར་མན་སུའུ་ལར་བསྐྱོད་པའི་ལམ་བར་གྱི་ཐུའུ་ཧེ་གྲོང་ཁྱེར་ཏུ་འབྱོར་སྐབས་གློ་བུར་དུ་འཁོར་སྒྲོམ་4པ་འཁོར་ལམ་ལས་བྲལ་ཡོད། སྤྱི་ཚེས་18ཉིན་གྱི་དགོང་མོ་ཨེ་ཅིབ་འཕྲོད་བསྟེན་པུས། མེ་འཁོར་འཁོར་ལམ་ལས་བྲལ་བའི་ལས་འཛོལ་ནང་་ཉུང་མཐར་ཡང་མི་11གྲོངས་པ་དང་མི་98ལ་རྨས་སྐྱོན་ཕོག་ཡོད་ཅེས་བཤད་པ་རེད། ཨེ་ཅིབ་འཕྲོད་བསྟེན་པུས་མྱུར་སྐྱོབ་རླངས་འཁོར་60རོགས་སྐྱོབ་བྱེད་པར་མངགས་ཡོད། ལྕགས་ལམ་གྱི་རྨང་གཞིའི་སྒྲིག་བཀོད་རྙིང་པ་ཆགས་པ་དང་དོ་དམ་ཡག་པོ་མ་བྱུང་བ་སོགས་ཀྱིས་རྐྱེན་པས་ཨེ་ཅིབ་ཏུ་ལྕགས་ལམ་གྱི་ལས་འཛོལ་ཡང་སེ་ཐོན་གྱི་ཡོད། སྤྱི་ཟླ་3ཚེས་26ཉིན་ཨེ་ཅིབ་ལྷོ་རྒྱུད་ཀྱི་སོ་ཧ་ཅེ་མངའ་སྡེར་འགྲུལ་སྐྱེལ་མེ་འཁོར་གཉིས་རྡུང་ཁ་ཐེབས་པའི་དོན་རྐྱེན་ཐོན་ནས་ཉུང་མཐར་ཡང་མི་19གྲོངས་པ་དང་། མི་200ལ་རྨས་སྐྱོན་ཕོག་ཡོད་པ་རེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
ཞུ་དག སྐྱིད་པོ།
ཡིག་སྒྱུར། མཚམས་གཅོད།