འདི་ག་ཚགས་པར་ཁང་དུ་པེ་ཅིང་ནས་ཟླ་1ཚེས་21ཉིན་གློག་འཕྲིན་འབྱོར་གསལ། ཚེས་21ཉིན་སྤྱི་བདེ་པུས་པེ་ཅིང་དུ་གསར་འགྱུར་ཡོངས་བསྒྲགས་ཚོགས་འདུ་འཚོགས་ནས་2020ལོའི་སྤྱི་བདེའི་ལས་དོན་གྱི་གནས་ཚུལ་གཙོ་བོ་དང་2021ལོའི་ལས་ཀའི་སྤྱིའི་བསམ་ཕྱོགས་ངོ་སྤྲོད་བྱས་པ་རེད། སྤྱི་བདེ་པུའི་མགྲིན་ཚབ་པ་ལི་གོ་ཀྲུང་གིས། ལོ་གཅིག་རིང་སྤྱི་བདེའི་ལས་ཁུངས་ཀྱིས་ནག་སེལ་གཤེད་བཅོམ་ཐད་གཙོ་ཤུགས་དམག་གི་ནུས་པ་འདོན་སྤེལ་གང་ལེགས་བྱས་ནས“གཙང་བཤེར་དྲུག”གི་བྱ་སྤྱོད་གཅིག་སྡུད་ཐོག་སྒྲིག་འཛུགས་བྱས་ནས་སྤེལ་ཏེ། ཁྱོན་ནག་ཚོགས་ངོ་བོའི་སྒྲིག་འཛུགས་3392དང་ངན་པའི་ཕྱོགས་གཏོགས་ཉེས་གསོག་ཚོགས་པ་10586མེད་པ་བཟོས་པ། ཉེས་གསོག་དོགས་ཅན་ཁྲི་18.8བཟུང་ཡོད་ཅེས་ངོ་སྤྲོད་བྱས་པ་རེད།

འདི་ལོའི་ལོ་མཇུག་དང་སང་ལོའི་ལོ་འགོའི་སྤྱི་ཚོགས་བདེ་འཇགས་བཅོས་སྐྱོང་ཆོས་ཉིད་ཀྱི་ཁྱད་ཆོས་ལ་དམིཌ་ནས། སྤྱི་བདེའི་ལས་ཁུངས་ཀྱིས་མུ་མཐུད་དྲ་རྒྱའི་ཉེས་གསོག་སོགས་མངོན་གསལ་དོད་པའི་ཁྲིམས་འགལ་ཉེས་གསོག་ལ་རྡུང་རྡེག་ཚ་ནན་གཏོང་བ་དང་། སྤྱི་ཚོགས་ཀྱི་སྔོན་འགོག་དང་ཚོད་འཛིན་བྱེད་ཐབས་ལ་ཤུགས་སྣོན་རྒྱག་པ།

འགལ་ཟླ་དང་རྩོད་གཞི་སྣ་ཚོགས་གྲལ་བཤེར་དང་ཐག་གཅོད་བྱེད་པ་བཅས་བྱས་ཏེ་འབད་བརྩོན་ཆེན་པོས་བདེ་འཇཌ་བརྟན་ལྷིང་དང་ཞི་མཐུན་གྱི་བདེ་འཇཌ་བཅོས་སྐྱོང་ཁོར་ཡུག་ཅིག་གཏོད་རྒྱུ་ཡིན་པ་རེད།

ཡོང་ཁུངས། མི་དམངས་ཉིན་རེའི་ཚགས་པར།