༼བརྩེ་བའི་རྒྱན་ཆ།༽
ཚིག སེར་ཤུལ་རབ་གསལ།
དབྱངས། བློ་གསལ།
ལེན་མཁན། གནམ་མཚོ། བསོད་ནམས་ཆོས་སྒྲོན།
ང་ཡི་སྙིང་གཏམ་པི་ཝང་སྙན་མོ་ཡིན།།
ཁྱེད་ཀྱིས་ཉན་ན་འདོད་པའི་སྐད་དེ་ཡིན།།
ཚིག་དང་དབྱངས་ལ་འགྱུར་བ་མ་བཏང་བར།།
བརྩེ་བའི་གཞས་འདི་ཁྱེད་ལ་ལེན་བཞིན་ཡོད།།
བདག་གི་སེམས་འདི་ཀ་ཁའི་དབྱངས་རྟ་ཡིན།།
ཁྱེད་ཀྱིས་ལེན་ན་འདོད་པའི་དབྱངས་དེ་ཡིན།།
རྒྱུད་དྲུག་པི་ཝང་དཀར་པོའི་རམ་འདེགས་ཡོད།།
སེམས་ཀྱི་དབྱངས་འདི་ཁྱེད་ལ་འབུལ་ནས་ཡོད།།
སྙིང་གཏམ་པི་ཝང་ཕན་ཚུན་དཀྲོལ་ཞོར་དུ།།
སེམས་ཀྱི་དབྱངས་རྟ་བདག་གིས་ཁྱེད་ལ་ལེན།།
དབྱངས་དང་པི་ཝང་ཨ་འགྲིག་ཆ་འགྲིག་རེད།།
ཨ་འགྲིག་ཆ་འགྲིག་བརྩེ་བའི་རྒྱན་ཆ་ཡིན།།
ཡོང་ཁུངས། དྲ་ལམ་ནས་བཤུས།
|