༼ གྲོགས་པོ།༽
ཚིག སྤོས་ཁང་སྒྲོལ་བཟང་།
དབྱངས། དམངས་ཁྲོད།
ལེན་མཁན། སྐར་རྒྱན་སྒྲོལ་མ།
བཅུ་གསུམ་བྱིས་པའི་ལོ་ནས།།
མཉམ་དུ་གཤིབ་པའི་གྲོགས་པོ།།
མ་མཇལ་དུས་ཡུན་རིང་པོ།།
སྐུ་གཟུགས་ཐང་ཐང་ཨེ་ཡིན།།
ལ་མོ་རེ་རེ་བརྒྱབ་དུས།།
རླུང་རྟ་རེ་རེ་བཏང་ཡོད།།
གྲོགས་ཁྱེད་བྱ་བ་ལམ་འགྲོ།།
ཡོང་བའི་སྨོན་ལམ་བཏབ་ཡོད།།
ཆུ་མོ་རེ་རེ་བརྒལ་དུས།།
ཆུ་ལྷ་རེ་རེ་གསོལ་ཡོད།།
གྲོགས་ཁྱེད་སྐུ་ཚེ་རིང་བའི།།
སྨོན་ལམ་སྙིང་ནས་བཏབ་ཡོད།།
གནས་བཟང་རེ་རེ་མཇལ་དུས།།
སྨོན་ལམ་ཚིག་གསུམ་བཏབ་ཡོད།།
གྲོགས་ཁྱེད་མྱུར་དུ་མཇལ་བའི།།
སྨོན་ལམ་ཚིག་གསུམ་བཏབ་ཡོད།།
རྩོམ་ཁུངས། བོད་གཞས་འཕྲིན་སྟེགས།
ལྟ་སྐུལ། ཝང་ཧྥེ།
རྩོམ་སྒྲིག་པ། ལྷ་སྐྱིད། |