རྨི་ལམ་ནང་གི་རྟ་ཕོ།
གཞས་ཚིག སྨན་བླ་སྐྱབས།
གཞས་གདངས། སྒྲོལ་མ་སྐྱབས།
ངས་ཁྱོད་རྩྭ་ཐང་ལ་བཅོལ་ཡོད།རྨི་ལམ་ནང་གི་རྟ་ཕོ།
ངས་ཁྱོད་གཙང་ཆུ་ལ་བཅོལ་ཡོད།རྟ་ཕོ་ཁམ་པ་རྔོག་རིང་།
ལན་གསུམ་བལྟས་པའི་ཕྱོགས་ལ།ཉི་ཟླ་སྐར་གསུམ་ཤར་ཡོད།
གོམ་གསུམ་སོང་བའི་རྗེས་ལ།སྤང་རྒྱན་མེ་ཏོག་བཞད་ཡོད།
བུ་ཆུང་རྒྱང་ལ་སོང་ཡང་རྣམ་ཤེས་ཁྱོད་ལ་འཁོར་ཡོད།
བོར་བའི་གཞས་གཅིག་འཚོལ་བཞིན་འཚོལ་བཞིན་ཡུལ་ལ་ལོག་དུས།
ང་ཡི་རྨི་ལམ་ནང་གི་རྟ་ཕོ་་་རྟ་ཕོ་གང་ལ་སོང་།
རྨི་ལམ་ནང་གི་རྟ་ཕོ།སེམས་པའི་མཐིལ་གྱི་རྟ་ཕོ།
ཁྱོད་གང་ལ་སོང་།
ངས་ཁྱོད་རྩྭ་ཐང་ལ་བཅོལ་ཡོད།རྨི་ལམ་ནང་གི་རྟ་ཕོ།
ངས་ཁྱོད་གཙང་ཆུ་ལ་བཅོལ་ཡོད།རྟ་ཕོ་ཁམ་པ་རྔོག་རིང་།
ལྷང་ལྷང་ལན་གསུམ་འཚེར་བ།།རྨི་ལམ་ནང་ནས་གོ་ཡོད།།
བང་དང་གཟུགས་གཞིའི་རི་མོ།།དྲན་པའི་སེམས་ལ་བྲིས་ཡོད།།
བུ་ཆུང་རྒྱང་ལ་སོང་ཡང་རྣམ་ཤེས་ཁྱོད་ལ་འཁོར་ཡོད།
བོར་བའི་གཞས་གཅིག་འཚོལ་བཞིན་འཚོལ་བཞིན་ཡུལ་ལ་ལོག་དུས།
ང་ཡི་རྨི་ལམ་ནང་གི་རྟ་ཕོ་རྟ་་་ཕོ་གང་ལ་སོང་།
རྨི་ལམ་ནང་གི་རྟ་ཕོ།སེམས་པའི་མཐིལ་གྱི་རྟ་ཕོ།
ཁྱོད་གང་ལ་སོང་།
རྩོམ་ཁུངས། བཀྲ་དོན་བོད་གཞས་གླིང་།
རྩོམ་སྒྲིག་པ། བསོད་ཚེ། |