༄༅།།དྲན་པའི་གཞས་ཆུང་།
༡
ཆུང་འདྲིས་བྱམས་པ་བུད་སོང་།
སེམས་པ་སྐྱོ་བས་ཁེངས་སོང་།
ཆུང་འདྲིས་དྲན་པའི་མིག་ཆུ། (ལ་ནས།)
ཆུ་མོའི་གཞོང་ལ་འདྲེས་སོང་།
སོ་ཡ་ལ་སོ། ཡ་ལ།
ཆུང་འདྲིས་དྲན་པའི་མིག་ཆུ། (ལ་ནས།)
ཆུ་མོའི་གཞོངས་ལ་འདྲིས་སོང་།
༢
ཆུང་འདྲིས་ཆུང་འདྲིས་མ་གསུང་།
ཟླ་བ་སྒྲོལ་མ་དྲན་བྱུང་།
ཆུང་འདྲིས་ཟླ་བ་སྒྲོལ་མའི།། (ལ་ནས།)
སྙན་མོའི་གཞས་ཆུང་དྲན་བྱུང་།
ཆུང་འདྲིས་ཟླ་བ་སྒྲོལ་མའི།། (ལ་ནས།)
སྙན་མོའི་གཞས་ཆུང་དྲན་བྱུང་།
༣
ཆུང་འདྲིས་ཟླ་བ་སྒྲོལ་མ།
ཁ་ཐག་རིང་སོང་མ་གསུངས།
ཁྱེད་དང་འུ་གཉིས་བརྩེ་སེམས། (ལ་ནས།)
མི་ཞིག་རྡོ་རྗེའི་མདུད་ཡིན།
སོ་ཡ་ལ་སོ་ཡ་ལ།
ཁྱེད་དང་འུ་གཉིས་བརྩེ་སེམས། (ལ་ནས།)
མི་ཞིག་རྡོ་རྗེའི་མདུད་ཡིན།
རྩོམ་སྒྲིག་པ། བདེ་ལྷ་མོ།