འོ་ན། མངར་ཆ་ཚོད་འཛིན་བྱེད་པའི་ལོ་ཚད་དེ་ལོ་35ཡིན་དོན་གང་ཡིན་ནམ། ལོ་ཚད་དེར་ཁྲག་ནང་དུ་མངར་ཆ་འདུས་ཚད་ལ་ཚོད་འཛིན་བྱེད་དོན་གང་ཡིན་ནམ་ཞེ་ན།

     ཞིབ་འཇུག་བྱས་འབྲས་ལས་མངོན་པར། ལོ་35རྗེས་སུ་གལ་སྲིད་ཁྲག་ནང་གི་མངར་ཆ་འདུས་ཚད་དོ་སྣང་མ་བྱས་ན། ལོ་ལྟར་མི་བརྒྱ་ཆ་5ནས་10ཙམ་ཞིག་ཁྲག་མངར་འདུས་ཚད་མཐོ་བ་ནས་རིམ་པ་གཉིས་པའི་གཅིན་པ་མངར་འགྱུར་གྱི་ནད་ཕོག་པའི་མི་ཚོགས་སུ་འགྱུར་སྲིད། གལ་སྲིད། སྔ་ཙམ་ནས་དོ་སྣང་དང་། སྔ་ཙམ་ནས་སྙོམ་སྒྲིག་བྱས་ན་ཉེན་ཁ་དེ་རིགས་བརྒྱ་ཆ་51ཙམ་གྱིས་ཆུང་དུ་གཏོང་ཐུབ།

     ཀྲུང་གོ་ནད་ཡམས་ཚོད་འཛིན་གཅོང་ནད་ལྟེ་གནས་ཀྱིས་གཤམ་གསལ་གྱི་གཟུགས་གཞིའི་ཁྱད་ཆོས་ལྡན་པའི་མི་ཚོགས་ནས་ལོ་35མ་སླེབས་ཀྱང་སྔ་ཙམ་ནས་མངར་ཆའི་རིགས་ཚོད་འཛིན་བྱེད་དགོས་ཞེས་བསྟན་འདུག

• རྒྱུད་འདྲེས་འགོས་ནད་དང་ནད་གཞིའི་གནས་ཚུལ། གཉེན་ཉེའི（དཔེར་ན། ཕ་མ་དང་གཅེན་གཅུང་མིང་སྲིང་）ཁྲོད་དུ་གཅིན་པ་མངར་འགྱུར་གྱི་ནད་གཞི་ཕོག་མྱོང་ཡོད་པ་དང་། གྲོད་པ་སྟོང་པར་ཁྲག་མངར་འདུས་ཚད་5.6-6.9mmol/Lཟིན་པ། ཕྲུ་གུ་འཁོར་བའི་སྐབས་སུ་གཅིན་པ་མངར་འགྱུར་གྱི་ནད་གཞི་ཕོག་མྱོང་བའམ་རྒྱ་མ་བརྒྱད་ཡན་གྱི་ཕྲུ་གུ་སྐྱེས་མྱོང་བའི་རིགས།

• འཚོ་བའི་གོམས་གཤིས། གཟའ་འཁོར་རེར་ལུས་སྦྱོང་སྐར་མ་150ལས་ཉུང་བ་དང་། ཡུན་རིང་འདུག་ནས་སྡོད་པའི་དུས་ཚོད་ཆུ་ཚོད་བརྒྱད་ལས་རིང་བ། རྒྱུན་དུ་མངར་ཆ་འདུས་ཚད་ཆེ་བའི་འཐུང་བྱའི་རིགས་འཐུང་བ་དང་། ལས་སྣོན་བྱས་པའི་ཟས་རིགས་ཟ་མང་བ་བཅས་ཀྱི་རིགས།

• མཉམ་ཐོན་ནད་རིགས་ཀྱི་འབྲེལ་བ། ཁྲག་ཤེད་མཐོ་བ་དང་། ཁྲག་ཚིལ་འདུས་ཆེ་བ། འཕར་རྩ་སྲ་འགྱུར་སོགས་ཀྱི་ནད་གཞི་ཡོད་པའི་རིགས།

• དམིགས་བསལ་གནས་ཚུལ། ཡུན་རིང་རྒྱུ་བཤེར་རྩི་སྨན་རིགས་དང་སྨྱོ་ནད་འགོག་པའི་སྨན་རྫས་བསྟེན་མང་བའི་རིགས་དང་། བསམ་བསེའུ་ཡི་སྣོད་མང་ཕྱོགས་བསྡུས་ནད་གཞི་ཕོག་མཁན། དེ་བཞིན་མཇིང་པ་དང་མཆན་ཁུང་འོག་གི་ཤ་ལྤགས་ནག་པོ་ཆགས་མཁན་གྱི་རིགས་བཅས་ཡིན་ཚེ་སྔ་ཙམ་ནས་མངར་ཆའི་རིགས་ལ་འཛེམ་སྤང་གནང་ན་ཡག་པོ་ཡོད་པ་རེད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།