འཛད་སྤྱོད་བྱ་ཡུལ་སྣ་མང་ཕུན་སུམ་ཚོགས་སུ་སོང་བ་ནས་གཞོན་ནུ་ཚོས་ནུས་རྒྱུ་གསར་པའི་རླངས་འཁོར་ཉོས་པའི་ཁ་གསབ་ལེན་པའི་བར་དང་། སྡེ་ཁུལ་གྱི་སྒོ་རྩིས་ཚོང་ཁང་བརྗེ་སྒྱུར་རིམ་འཕར་བྱེད་པ་ནས་ཁེ་ལས་ཁག་རིན་གོང་གཅོག་རེས་བྱེད་པའི་འདམ་རྫབ་ནང་མི་ལྷུང་བའི་བར་སོགས་སྲིད་ཇུས་དེ་དག་གི་དམིགས་ཡུལ་གཅིག་པ་ཡིན་པ་དེ་ནི་མང་ཚོགས་ནས་འཛད་སྤྱོད་བྱེད་ཕོད་པ་དང་། ཁེ་ལས་ནས་གསར་གཏོད་གསར་སྐྲུན་བྱེད་ཕོད་པ། གོང་འཕེལ་གྱི་ཁེ་ཕན་མཉམ་སྤྱོད་བྱེད་པ་བཅས་རེད།

ལོ་གཅིག་དུས་གཅིག་གི་ཚོགས་ཆེན་གཉིས་ནི་གཅིག་ནས་རྒྱལ་ཁབ་དཔལ་འབྱོར་གྱི་ཕྱོགས་སྟོན་རེད་ལ། གཉིས་ནས་མང་ཚོགས་ཀྱི་འཚོ་བའི་ཡག་ཉེས་བརྟག་ཆས་ཤིག་ཀྱང་རེད། སྲིད་ཇུས་དེ་དག་ཤོག་ངོས་ནས་ཞིང་ཁའི་ནང་དང་འཁོར་ཁང་ནང་། སྲང་ལམ་སོགས་སུ་དོན་འཁྱོལ་ཐུབ་སྐབས། ང་ཚོས་རེ་སྒུག་བྱེད་པའི་ལས་གནས་མང་པོ་ཞིག་ཀྱང་བརྗེ་སྒྱུར་ཁྲོད་ཐོན་བཞིན་ཡོད་ལ། ཡོང་འབབ་དེ་བས་མང་བ་ཞིག་གསར་གཏོད་ཁྲོད་འཕར་སྣོན་ཡོང་བཞིན་ཡོད། དེ་བས་རེ་སྒུག་བྱེད་པའི་བྱ་དངོས་མང་པོ་ཞིག་ཀྱང་དངོས་གཉེར་ཁྲོད་མངོན་འགྱུར་ཡོང་བཞིན་ཡོད་པས་དཔལ་འབྱོར་གོང་འཕེལ་གྱི་གོམ་སྟབས་རེ་རེ་ནི་བདེ་སྐྱིད་ཀྱི་ཕྱོགས་སུ་བསྐྱོད་པའི་སྐས་རིམ་གསར་པ་ཞིག་ཡིན།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།

ཞུ་དག བསྟན་འཛིན།

སྒྲིག་སྒྱུར། བྱམས་པ་ཚེ་རིང་།