ཞི་ཅིན་ཕིང་རླངས་འཁོར་ལ་བཞུགས་ནས་གནམ་ཐང་དུ་ཕེབས་པའི་ལམ་བར་དུ་ཕྱིར་སྡོད་ཀྲུང་གོ་བ་དང་ཕྱི་ཁོངས་སྤུན་ཟླ། ཀྲུང་གོས་མ་དངུལ་བཏང་བའི་ལས་ཁུངས། ཕྱི་རྒྱལ་དུ་སློབ་སྦྱོང་བྱེད་བཞིན་པའི་སློབ་མ་བཅས་ཀྱི་འཐུས་མིས་ཀྲུང་གོ་དང་པར་ཙིར་རྒྱལ་ཁབ་གཉིས་པོའི་རྒྱལ་དར་གཡུག་གཡུག་བྱས་ཏེ། མཛའ་གྲོགས་ཁྲི་ལོར་བརྟན་པར་ཤོག་ཅེས་སྐད་གསང་མཐོན་པོས་འབོད་སྒྲ་བསྒྲགས་པ་དང་། ཀྲུའུ་ཞི་ཞི་ཅིན་ཕིང་གི་འཚམས་འདྲི་ལེགས་འགྲུབ་བྱུང་བར་བཀྲ་ཤིས་བདེ་ལེགས་ཞུས་ཡོད།

     པར་ཙིར་ལི་ཡ་ནས་ཞལ་གྱེས་སྐབས། པར་ཙིར་གྱི་ཞིང་ལས་པུའུ་ཀྲང་ཧྥ་ཝ་ལུའོ་དང་། གཏེར་ལས་དང་ནུས་ཁུངས་པུའུ་ཀྲང་ཞིའར་ཝེ་ལ། གྲུ་ཁ་དང་གནམ་ཐང་པུའུ་ཀྲང་ཁོ་སི་ཐ་བཅས་དང་པར་ཙིར་ལི་ཡའི་མཁའ་དམག་རྟེན་གཞིའི་དམག་སྤྱི་སྨི་ཀེར་སོགས་མཐོ་རིམ་དཔོན་རིགས་གནམ་ཐང་དུ་ཕེབས་སྐྱེལ་ཞུ་བར་སླེབས་ཡོད།

     ཚའེ་ཆི་དང་ཝང་དབྱི་སོགས་ཕེབས་རོགས་མི་སྣ་གནམ་གྲུ་གཅིག་ནང་བཞུགས་ནས་ཕྱིར་ལོག་གནང་ཡོད།